Roza Baǵlanova atyndaǵy Memlekettik «Qazaqkonsert» konserttik uıymy óziniń gastroldik maýsymy bastalǵan Abaı oblysyndaǵy saparyn aıaqtady, dep habarlaıdy Egemen.kz.
«Alpys jyldan astam tarıhy bar mádenıet pen ónerdiń qara shańyraǵynyń qyzmeti bıyl jańa qarqynmen bastaldy. Uıymnyń baıyrǵy gastroldik saparlaryn jańǵyrtatyn jańa jobanyń tusaýy kesilip, Memleket basshysy Qasym-Jomart Toqaevtyń elimizdegi monoqalalardy jan-jaqty damytýǵa baǵyttalǵan tapsyrmalaryna sáıkes, «Qazaqkonsert» ujymy 2022-2025 jyldarǵa arnalǵan jospary boıynsha el aýmaǵyndaǵy barlyq mono-qalalardyń turǵyndary úshin qoljetimdi, sapaly mádenı shyǵarmalardy usynýǵa kiristi», dedi Roza Baǵlanova atyndaǵy respýblıkalyq «Qazaqkonert» uıymynyń dırektory Aqtoty Raıymqulova.
QR Prezıdenti óziniń 2022 jyldyń naýryzyndaǵy Qazaqstan halyqyna joldaýynda Qazaqstanda jańadan úsh oblystyń ashylatyny týraly málimdegen bolatyn. Qazaqstannyń óner mekemeleriniń arasynda elimizdiń bas konserttik uıymy jańa Abaı oblysynyń jurtshylyǵyn quttyqtaýǵa alǵashqylardyń biri bolyp shyqty.
Sondaı-aq shyǵarmashylyq ujymnyń gastrolderi QR mádenıet jáne sport mınıstrliginiń jáne oblystardaǵy jergilikti atqarýshy organdardyń qoldaýymen «El birligi - Jańa Qazaqstan» ımıdjdik jobasynyń aıasynda sátti ótti.